ЕЛОРДА МЕШІТТЕРІНДЕ ОРАЗА АЙТ МЕРЕКЕСІ АТАЛЫП ӨТТІ (ФОТО)

30 наурыз 2025 457 0
Оқу режимі

Бүгін елорда мешіттерінде Ораза айт намазы оқылып, жамағат ұлық мейрамның қуанышын бөлісті. ҚМДБ-ның Астана қаласы өкілдігіне қарасты барлық мешіттерде таңсәріден жиналған мұсылман қауымы қасиетті күннің берекесіне кенелді.

Айт намазына қатысқан жамағат дұға жасап, бір-бірін мерекемен құттықтады. Мешіт имамдары Ораза айттың мән-маңызы жайында уағыз айтып, бауырмалдық пен мейірімділікке үндеді.

Дін мен дәстүр сабақтастығын насихаттау мақсатында мешіт аулаларында киіз үйлер тігіліп, жамағатқа ұлттық тағамдар ұсынылды. Сондай-ақ, асық ату, қол күрес, бөрене көтеру, серке көтеру, арқан тарту, кір (гир) көтеру сынды ұлттық ойындар ұйымдастырылып, мерекелік шаралардың көркі қыза түсті. Айт мерекесі аясында балаларға арнайы сыйлықтар таратып, бүлдіршіндердің көңіліне қуаныш ұялатты. Сонымен қатар, мұқтаж отбасыларға қайырымдылық жасалды.

Айта кетейік, Ораза айт – мұсылмандар үшін қасиетті мейрамдардың бірі. Бұл күні мұсылмандар бауырластықты арттырып, өзара реніштерін кешіріп, қуанышты бірге бөліседі.

Дереккөз: ҚМДБ Астана қаласы өкілдігінің баспасөз қызметі

Пікірлер Кіру