РАНТ МҮШЕСІ ЕЛОРДАДА НАСИХАТ ЖҰМЫСЫН ЖҮРГІЗДІ (ФОТО)

Астана қаласына арнайы іссапармен келген Алматы қаласы «Қалқаман» мешітінің бас имамы, РАНТ мүшесі Руслан Қамбаров өкілдікке қарасты қала мешіттерінің жамағатымен жүздесіп, әртүрлі мекемелерде үгіт-насихат жүргізді.

Атап айтқанда, Астана қаласы өкілдігінің ұйымдастыруымен өткен діни ағарту жұмыстары аясында РАНТ мүшесі Дін істері басқармасының қызметкерлерімен және «Әл-Ғани», «С. Ғылмани», «Әл-Фәттаһ», «Әл-Фараби», «Ақ мешіт», «Райса ана», «Ырыскелді қажы» мешіттерінің жамағатымен кездесіп, өзекті тақырыптарда уағыз-насихат айтты. Сонымен қатар, Астана медресе-колледжінің студенттерімен кездесіп, «Білімге деген құштарлық» тақырыбында ой бөлісті.

Сондай-ақ, Астана қаласы Дін істері басқармасының ұйымдастыруымен өткен жиынға және мешіт жамағатымен өткен әртүрлі рухани кездесулерге қатысты. Жалпы, бұл кездесулерде 2 000-нан астам адам қамтылды

Дереккөз: ҚМДБ Астана қаласы өкілдігінің баспасөз қызметі