KVADROBERDIŃ ShARIǴATTAǴY ÚKIMI

KVADROBERDIŃ ShARIǴATTAǴY ÚKIMI QANDAI?

Ответ

Kvadrober[1] – bul janýardyń syrtqy túrin (beınesin) kórsetetin betperdelerdi, quıryǵy men qulaqtaryn taǵyp alyp, janýardyń is-qımyldary men ádetterine eliktep, solar sııaqty ómir keshetinder.

Alla Taǵala adam balasyna aqyl men sana berip, ardaqtap, basqa jaratylystan erekshelep, eń kórkem beınede jaratty. Alla Taǵala Quranda:

وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلا

«Biz Adam balalaryn ardaqty etip, qurlyqta da, teńizde de (emin-erkin) júrgizdik. Hám taza (adal) azyqtardy rızyq etip berdik. Sondaı-aq olardy jaratqan nárselerimizdiń kóbinen áldeqaıda ústem ettik»[2], – degen. Kelesi aıatta:

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ

«Shyn máninde, biz adam balasyn eń kórkem beınede jarattyq»[3],  – degen.

Demek, bul aıattardan túsinetinimiz, adam balasynyń janýarǵa eliktep, sol dárejege túsýi, tórt aıaqtap júrýi, ózin ardaqtaý emes, qorlaý bolyp sanalady. Tipti adam balasynyń janýarǵa elikteýi túgili áıel kisiniń er adamǵa, er kisiniń áıelge elikteýiniń ózi sharıǵatymyzda tyıym salynǵan[4].

Sondyqtan janýarlarǵa tán sıpattarǵa (ıt sııaqty úrý, esek sııaqty aqyrý t.s.s.) ádeıi elikteý, tórt aıaqtap júrip, olardyń tamaǵyn jeý, is-qımyldaryn isteý Alla Taǵalanyń jaratqan jaratylysyn ózgertý bolyp tabylady.

Al batyrdy arystanǵa, aılakerdi túlkige, sabyrlyny túıege teńeý, sol sekildi teatrlyq qoıylymdar, balalarǵa arnalǵan oıyndar t.b «kvadroberdiń», ıaǵnı adamnyń janýarǵa elikteýine jatpaıdy.  

 

ShEShIM:

Kvadroberge, ıaǵnı janýarlardyń deńgeıine túsip, olarǵa eliktep daýys shyǵarýǵa, is-qımyldaryn jasaýǵa sharıǵat boıynsha qatań tyıym salynady.   

 

QMDB Ǵulamalar keńesi

 

[1] Kvadrobıka – «kvadro» (tórt) jáne «aErobıka» degen sózderdiń qosyndysynan shyqqan. Bul – balalar men jasóspirimder arasynda taralǵan teris úrdis. Túpki maǵynasy – janýarlarǵa uqsap tórt aıaqtap júgirý.

[2] «Isra» súresi, 70-aıat.

[3] «Tın» súresi, 4-aıat.

[4] Imam Buharı № 5885.

 

Автор: арслан айтбай