«AQ MESHIT» MEShITINIŃ QYZMETKERLERI MEN JAMAǴATY ATPEN SERÝEN UIYMDASTYRDY (FOTO)

Astana qalasyndaǵy «Aq meshit» meshitinde erekshe rýhanı shara ótti. Meshittiń bas ımamy Dáýren Mýslımovtyń bastamasymen meshit jamaǵaty men ımamdary birigip, atqa miný serýenin uıymdastyrdy.

Paıǵambarymyz Muhammed (s.ǵ.s.): «Jylqynyń jalynda Qııametke deıin bereke bar» (Buharı) degen hadısi qazaq halqynyń salt-dástúrimen úndesedi. «Jylqy – er qanaty» dep bilgen babalarymyz jylqyny qadir tutyp, ony berekeniń bastaýy dep sanaǵan.

Bul ıgi shara jamaǵattyń aýyzbirshiligin arttyryp, meshittiń rýhanı jáne mádenı ortalyq retindegi rólin kúsheıtedi. Mundaı basqosýlar jamaǵat arasynda baýyrmaldyqty nyǵaıtyp, ımandylyqty dáripteýge jol ashady.