РУМИ

Жалолиддин Руми – ХІІІ ғасырдағы ақын, исламдық дервиш және сопылық мистик. Руми өзінің оқиғаларға толы өмірінде әртүрлі мемлекеттердің аумақтарын аралады және көптеген халықтар оны өз заманының ғана емес, бүкіл адамзат тарихының ұлы рухани ұстаздары мен ақындарының бірі ретінде құрметтейді. Оның ризашылығын білдірген ізбасарлары  ақынға "Мәулана" (Мырзамыз) деген құрметті лақап ат қойған.

***

Барлық кірді көңілдегі жоғалтасың ұшырып,

Өмірдегі мақсатыңды білген шақта түсініп.

***

Ауыруға ұшырытар, бұл махаббат емдейді,

Қандай қиын сауалдарға бас қатырғын сен мейлі...

Жүрегіңнен таба аласың оның дағы жауабын,

Кеме жаса... Мұхит өзі барар жолды теңдейді!

***

Бұл махаббат қиын соғар фәни менен бақида,

Бірде жеңіп, бірде күйреп қалатының ақида.

Бірақ әлем жарық пенен көлеңкеден тұрады,

Өйткені ол жетпіс екі элементтің тұрағы.

***

Жарық пенен махаббаттың өзгеше ғой діндері,

Мешіт пенен кітаптарға ұқсамайды тіндері...

***

Құлшылық – ноқта, әміршің – уақыт ағатын,

Ақылың – ұстаз... Сабақта жөнге салатын...

***

Саралай бермес болмысты ақыл асылың,

Махаббат деген ғаламдық теңіз жасырын.

Әміршіге бастар соқпақ – құлшылық,

Ғашық жолы – тұңғиықтағы тіршілік.

***

Жылқы малы ақылды һәм төзімді,

Қыңырланса майып етер өзіңді.

***

Егерде сен ұшпасаң,

Қалайша сынар қанатың.

Өзгені зорлап, қыстасаң,

Сенің де соғар сағатың...

Аударған Кенжеғали ҚОШЫМ-НОҒАЙ