OРАЗАНЫҢ ПАЙДАЛАРЫ

Пайғамбарымыз (с.а.у.) былай дейді: “Oраза ұстаушының ұйқысы құлшылық, үндемеуі тәсбих. Aмалының қарымы еселеніп беріледі, дұғасы қабыл болады және күнәлары кешіледі”. (Бәйһақи, Шуғаб ул-иман)

Ішіп-жегендегі мақсат өмір сүріп, құлшылық үшін күш жинау. Асқазанды нығарлай толтыру осы екі мақсатқа кедергі. Oлай болса, (мағынасы) “(Алланың өздеріңе берген нығметінен) ішіп-жеңдер бірақ, ысырап қылмаңдар” (Aғраф сүресі 31 аят) деген аятта айтылғандай, ізгісі ас-ауқатта шаманы сақтау.

Oраза мен асқазанды барынша толтырмаудың кей пайдалары мынадай:

Асқазанды толтырғаннан пайда болатын іш өту ой-сананы жаулайтын сезімде  айтарлықтай теріс әсер береді. Сосын жүрекке салмақ түсіреді. Ой-сезімді баяулатады. Ал ораза жүректі жеңілдетіп, ой қуатын күшейтеді.

Әрбір мұсылманның зікір етуі керек. Ал мұны жүрек тыныштығымен істеу асқазанның бос болуына байланысты. Асқазан бос кезде жасалған жүгіністің ләззаты мен әсері күшті болатыны баршаға мәлім.

Toқшылықтан пайда болатын астамшылық пен бейғамдықты жоятын және пенденің әлсіздігін көрсететін нәрсенің ең бастысы ораза. Өйткені ораза кезінде сезілетін кішіктік пен жүректің жұмсақтығы адам бойынан ешқашан ондай дәрежеде байқалмайды. Адамның илаһи кесір мен азапты ойлап, бәлеге ұшырағандарды еске алудың ізгілігі, тек бәлекеттің ең жаманы аштық кезінде толық көрінеді.

Алла Тағаланың ризашылығын алу үшін ұсталатын оразада нығметтердің ең маңыздысы бәлекетке себеп болатын нәпсінің құлқынын басу бар. 

Көп жеу көп ішуге, көп ішу көп ұйықтауға, ал көп ұйықтау қадірлі өмірді пайдасыз өткізуге себеп болады. Уақытын зікірмен өткізгісі келген мұсылманның ұстаған оразасы болса, осыларға жол бермейді.

Қысқа қайырғанда, адам тек ас ішу тұрғысында ғана емес, дүнияуи кез келген талап-тілегін тәрбиелеу мәселесінде де шаманы сақтау керек.