АСТАНА ҚАЛАСЫНЫҢ УАҚЫП ҚОРЫ ҚЫЗДАР МЕДРЕСЕСІНІҢ СТУДЕНТТЕРІНЕ ШӘКІРТАҚЫ ҮЛЕСТІРДІ (ФОТО)

02 сәуір 2025 114 0 Оқу режимі

ҚМДБ Астана қаласы өкілдігінің Уақып қоры Астана медресе-колледжі жанындағы қыздар медресесінің студенттеріне ақшалай сыйақы үлестірді.

Іс-шараға Астана қаласының және «Әзірет Сұлтан» мешітінің бас имамы Ерболат Жүсіпов, Астана қаласы «Зекет және қайырымдылық» қоры және Уақып қорының жауапты өкілі Нұрбол Оразбай және медресе шәкірттері қатысты.

Қала бас имамы білім жолындағы шәкірттерге ілім алудың маңызы мен артықшылықтары жайлы уағыз-насихат жасап, үздік 5 шәкіртке 150 000 теңге көлемінде шәкіртақы сертификатын үлестірді. Шәкіртақы иегерлері өз ризашылықтарын білдіріп, болашақта елге қызмет ететін білікті маман болуға талпынатындарын жеткізді. Іс-шара соңында қатысушылар дұға жасап, медресе ұжымына табыс тіледі.