АСТАНАДА «ЗИЯТКЕР ИМАМ – 2024» БІЛІМ САЙЫСЫ ӨТТІ (ФОТО)

ҚМДБ Астана қаласы өкілдігінің ұйытқылығымен «Рахымқызы Раиса ана» мешітінің ұйымдастыруы негізінде «Зияткер имам – 2024» білім сайысы өтті.

Шараға ҚМДБ Діни білім және кадр даярлау бөлімінің меңгерушісі Хасан Аманқұлов, Уағыз-насихат бөлімінің меңгерушісі Батыржан Мансұров, Қажылық бөлімінің меңгерушісі Жәнділлә Мамытханұлы, Астана қаласының және «Әзірет Сұлтан» мешітінің бас имамы Ерболат Жүсіпов, «Рақымқызы Раиса ана» мешітінің бас имамы Қалижан Заңқоев және елорда имамдары қатысты.

Шара шымылдығы ең әуелі қасиетті Құран аяттарымен ашылып, ары қарай қызықты сұрақ-жауаптармен жалғасты. Ақида, фиқһ, концептуалды құжаттар, дін мен дәстүр қамтылған сауалдар қатысушыларға қойылып, олар өз білімдері мен тапқырлықтарын, қырағылықтарын ортаға салды.

Жиын соңында қазылар алқасының шешімі бойынша орын алған қатысушыларға арнайы алғыс хаттар, ақшалай сыйлықтар мен Ұмра қажылығына жолдама берілді.

I орын - Бекұлан Абайұлы («Көктал» мешіті) | Ұмра қажылығы
II орын - Ерсайын Қабылқанұлы («Әзірет Сұлтан» мешіті) | 200 000 теңге
III орын – Ерасыл Қайырханұлы («С. Ғылмани» мешіті) | 150 000 теңге

Суреттерді толығырақ «ФОТОГАЛЕРЕЯ» айдарынан көре аласыз.