Oraza ortasynda etekkir kelgen áıel ne isteıdi?

Assalam aleıkým, áıelim oraza ustap júrgen edi. Biraq orazanyń kúndizinde etekkir qany baıqalǵan eken. Ol orazasyn buzýy kerek pe, álde son kúndi tolyǵymen ustaıdy ma? Aıdos

Ответ

Aleıkým assalam. Oraza kezinde baıqalǵan etekkir qany áıeldiń orazasyn buzady. Ol kúnniń qazasyn keıinnen óteıdi. Etekkiri baıqalǵan áıeldiń oraza ustýyna bolmaıdy. Bul týraly Sheıh Atııa Saqr[1]: «Haıyz[2] ben nıfasy[3] kelgen áıelderge qatysty fıqh ǵalymdary myna eki nársege biraýyzdan kelisken: birinshisi – oǵan oraza ustaý paryz bolmaıtyndyǵy, ekinshisi – eger oraza ustasa, ol orazasy durys bolmaıtyndyǵy, kerek bolsa, ol isi kúná bolatyndyǵy», – degen.

Imam Náýaı (r.a) aıtty: «Musylman úmmeti haıyz ben nıfas áıelderge oraza ustaýǵa bolmaıtynyna ári ustaǵan orazasy da buzylmaıtyndyǵyna biraýyzdan kelisken. Sol sııaqty, keıinnen orazasynyń qazasyn óteıtindigine de kelisken. Úmmettiń biraýyzdan keliskendigin Imam Tırmızı, Ibn Mýnzır, Ibn Járır jáne mazhabymyzdyń ǵalymdary jetkizgen»[4].

Aıbek Ábdiqadyr
Muslim.kz saıtynyń dinı sarapshysy