Zınanyń táýbesi – úılený me?

Sálemetsiz be. Eger kimde-kim zına jasap qoısa, onyń kúnási álgi zına jasaǵan adammen úılenýmen bola ma, álde úılense de kúnási sol kúıi qala ma? A.B

Ответ

Sálemetpiz. Bul suraqqa Mysyr eliniń burynǵy múftıi Álı Juma bylaı dep jaýap qaıtarǵan eken: «Zına – eń úlken kúnálardyń biri. Onyń kúnásin tek shynaıy táýba ǵana seıiltpek. Zınanyń táýbasy retinde zına jasaǵan adammen úılený shart etilmeıdi. Alaıda, ol shynaıy táýbe jasaýy kerek, ıaǵnı zınanyń kúná ekenin uǵynyp, ony tastap, jasaǵan isi úshin ókinip, oǵan qaıta oralmasqa bel býýy kerek. Kimde-kim shynaıy táýbe jasasa, zına jasasqan adammen úılensin, úılenbesin, Alla onyń táýbesin qabyl etedi. Kúná jasasqan adamdy áshkerelemeý adamnyń ádeptiligin kórsetedi, degenmen táýbe úılenýmen tike baılanysty emes. Al, eger ekeýi de shynaıy táýbelerin jasasa, ári ekeýiniń de úılenýge peıilderi bolsa, onda olardyń úılengenderi jaqsy amal bolmaq».

Eń durysy Allaǵa málim.

Aıbek Ábdiqadyr
Muslim.kz saıtynyń dinı sarapshysy