TURMYSQA ShYQQAN QYZDYŃ TEGIN AÝYSTYRÝYNA BOLA MA?

TURMYSQA ShYQQAN QYZDYŃ TEGIN AÝYSTYRÝYNA BOLA MA?

 

Ответ

Sharıǵatta árbir adam óz tegimen atalýy tıis. Alla Taǵala Quranda: ادْعُوهُمْ لِآبَائِهِمْ هُوَ أَقْسَطُ عِندَ اللَّهِ  «Asyrandy balalaryńdy óz ákeleriniń atymen atańdar. Allanyń quzyrynda eń durysy sol»[1], – dep buıyrdy. Osy aıatty alǵa tartyp keıbir ǵalymdar turmysqa shyqqan qyzǵa kúıeýiniń tegine ótýge tyıym salady[2].

Al keıbir ǵalymdar áıeldiń kúıeýiniń famılııasyna ótý ǵurypta qalyptasqan ári elge tanytý maqsaty bolsa oqasy joq deıdi[3].

 Óıtkeni Quranda: «Nuhtyń áıeli jáne Luttyń áıeli»[4] dep áıelderdi kúıeýiniń atymen tanytyp tur.

Ábý Saǵıd ál-Hýdrıden (Alla oǵan razy bolsyn) rıýaıat etilgen hadıste: «Másǵýdulynyń áıeli Zeınep (Alla oǵan razy bolsyn) Alla elshisine (oǵan Allanyń salaýaty men sálemi bolsyn) kelip (kirýge) ruqsat suraıdy. «Ýa Allanyń Elshisi! Zeınep kirýge ruqsat surap tur!» – degende, ol: «Qaısy Zeınep?», – dep suraıdy. «Másǵýdulynyń áıeli», – dep jaýap beredi. Ol: «Kirsin» deıdi. Sonda oǵan kirýge ruqsat beredi»[5].

 Sondyqtan turmysqa shyqqan áıel óz ákesiniń atymen atalýy tıis. Ony ózgertý – haram. Al kúıeýiniń tegine aýysýynyń oqasy joq, biraq mindetti emes. Kúıeýi de ony óz tegin alýǵa májbúrleýi durys emes.

 

QMDB Sharıǵat jáne pátýa bólimi

 

[1] «Ahzab» súresi, 5-aıat.

 [2] https://www.fatawah.net/Questions/11366.aspx

[3] Aıman Abdýlhamıt ál-Bádáraını, «Fátáýa maǵasara», 2/113-116.

 [4] «Tahrım» súresi, 10-aıat.

[5] Buharı, №1462. Mýslım, №80.

 

 

Автор: арслан айтбай