Nápil namazdardy daýystap oqýǵa bola ma?

Assalaýmaǵaleıkým! Nápil namazdardy daýystap oqı bersem bolady ma?

Ответ

Ýaǵaleıkýmassalam!

Paryz namazdarynda daýys shyǵaryp jáne daýys shyǵarmaı sybyrlap qana oqylatyn jerler bar ekeni belgili. Nápil (erikti) namazdary da osyǵan uqsas. Aqsham namazy kirgennen bastap, tań namazyna deıin qosymsha ǵıbadatty daýystap atqarýǵa bolady[1].

Aısha anamyz jetkizgen hadıste:

كان النبي ﷺ في صلاة الليل ربما جهر وربما أسر

«Alla elshisi (oǵan Allanyń salaýaty men sálemi bolsyn) túngi namazda keıde daýysyn shyǵaryp, keıde daýysyn básendedip oqıtyn»[2]

Al tań namazynan aqsham namazyna deıingi namazdar báseń daýyspen ǵana ótelýi mindet (ýájip)[3].

Qorytyndy: Kúndiz tań namazynan bastap aqsham namazyna deıingi aralyqtaǵy namazdar sybyrlaǵan daýyspen oqylady. Keshki aqsham ýaqytynan bastap, tań namazyna deıin ashyq joǵary daýyspen nápil namazdardy oqýǵa bolady.     

Darhanuly Tamırlan
Astana qalasy boıynsha
pátýaǵa jaýapty maman

Автор: Muslim.kz порталы