Namazdy qaı ýaqytta oqyǵan abzal?

Assalamý aleıkým! Namazdy qaı ýakytta oqyǵan durys, namaz kire salysymen ba, álde ortasynda ma? Qaı kezde saýaby kóbirek bolady?

Ответ

Ýa aleıkým assalam!

Ibn Masǵýd (r.a.): «Men Alla elshisinen (s.ǵ.s.): «Amaldardyń qaısy biri Alla Taǵalaǵa unamdyraq», – dep suradym. Paıǵambarymyz (s.ǵ.s.): «Ýaqytynda oqylǵan namaz», – dep jaýap berdi...»,[1] – dep rıýaıat etedi.

Jabırden (r.a.) Alla elshisiniń (s.ǵ.s.) namazy jaıly suraǵan kezde: «Ol kisi besindi kún ystyq kezde oqıtyn, ekintini kún raıy da, ystyǵy da qaıtpaı oqıtyn, aqshamdy kire sala, quptandy adamdar kóp bolsa jyldamdatyp, al az bolsa keshiktirip oqıtyn, al tań namazyn qarańǵy ýaqytta oqıtyn»,[2] – dep aıtqan eken. Hadıste kórsetilgen ýaqyttar namazdyń kirgen mezgilin bildiredi. Namazdardy óz ýaqytynda oqyǵan jaqsy.

Degenmen, bul bes ýaqyt namazdyń mustahap ýaqyttary bar, olar:
1. Tań namazyn tań bozaryp, aınala jaryq bolyp ketkende oqyǵan abzal. Tań jaryq bolyp ketý – súnnet qyraǵatpen oqyp, namazy buzylǵandyqtan dáretin alyp, súnnet qyraǵatpen qaıta oqyǵanda kún shyǵyp ketý qaýpi bolmaıtyndaı ýaqytty qamtıdy;
2. Besin namazyn jazda keshteý, al qysta erterek oqyǵan mustahap;
3. Ekinti namazyn kún buzylmasa qysy-jazy keshteý oqyǵan jaqsy;
4. Aqsham namazyn jaz maýsymynda da, qys kezinde de erterek oqyǵan abzal;
5. Quptan namazyn túnniń úshten bir bóligine deıin keshiktirip oqý mustahap[3].

Автор: Muslim.kz порталы