It satýǵa bola ma?

Baýyrym ekeýmiz baǵasy qymbat asyl tuqymdy ıtterdi ósirýmen aınalysamyz. Suraıyn degenim, ósirgen ıtterdi satýǵa bola ma?

Ответ

Imam Ábý Hanıfanyń pikirinshe, turmystyq qajettilik úshin ıt ustaýǵa tyıym  salynbaǵan. Iaǵnı, ańshylyq maqsatynda jáne úı, qora, mal kúzetý úshin ıt asyraýǵa bolady. Sebebi, Quranda olardy ańshylyqqa paıdalanýǵa ruqsat etken:

«Senderge taza nárseler (din boıynsha halal nárseler) halal qylyndy» de. Allanyń ózderine bildirgenin úıretip, tárbıelegen jyrtqyshtardy: Allanyń atyn aıtyp (ańǵa) salsańdar, sender úshin ustaǵandaryn jeńder. Alladan qorqyńdar, kúdiksiz Alla esepte óte tez» («Maıda», 4 aıat).

Itterdi ańshylyqqa jáne úı men úı janýarlaryn qorý úshin asyraý týraly Paıǵambarymyzdyń (s.ǵ.s.) hadısinde de: «Itti mal baǵý men ań aýlaýdan basqa maqsatta ustaǵan adamnyń ıgi amaldary kúnnen-kúnge azaıady» (Býharı, Mýslım), – delingen.

Al satý maqsatynda ıt asyraý – mákrúh. Imam Shafıǵıdiń aıtýynsha, ıt «nájásúl-aın», ıaǵnı «nájistiń ózi» bolyp eseptelip, ózge nájis tárizdi qunsyz zatqa jatady. Osy sebepten ıt saýda zaty bola almaıdy.