Nıetti tilmen aıtý bıdǵat pa?

Assalamý aleıkým! Namazǵa nıet etkende tilmen aıtyp nıet etý bıdǵat pa? Bul jaıly sharıǵatta ne aıtylǵan?

Ответ

Ýa aleıkým assalam!

Nıet – júrektiń isi. Muhammed bın Hasan: «Júrekpen nıet etý – paryz, al tilmen aıtý – súnnet. Al, ekeýimen (júrek jáne tilmen) birge nıet etý – abzaly», – degen. Al, Muhammed: «Úıinen paryz namazdy jamaǵatpen oqýdy nıet etip shyqqan adam ımamǵa kelip, tilimen nıet aıtpaı uıysa, namazy durys bop esepteledi. Óıtkeni, ol sol nıetinen raıy ózgermeı namazǵa turdy. Al, nápil oqıtyn bolsa, jalpy namaz nıeti jetkilikti. Qaza namaz oqıtyn bolsa, paryz nıeti qajet. Ýaqyty kirgen namaz úshin sol namazdyń ataýy men sol ýaqyttaǵy paryzdy nıet etkeni jón[1]», – deıdi.

Al, endi Paıǵambarymyz (s.ǵ.s.) tilmen nıet etkendigi jaıly Ábı bın Ábý Tolıbten (r.a.) mynadaı rıýaıat bar: «Alla elshisi (s.ǵ.s.) namazdy: «Ýájjáhtý ýájhııa lıllazı fatoras-sámáýátı ýál-arda hanıfán mýslımán, ýámá áná mınál-mýshrıkın. Inná solátı ýá nýsýkı ýá máhıaıa ýá mámátı Lılláhı Robbıl-álámın. Lá shárıká láh, ýá bızálıká ýmırtý ýá áná áýýálýl-mýslımın[2]», – dep bastaýshy edi.

Bul nıet duǵanyń maǵynasy: «Júzimdi Jalǵyz Jaratýshyǵa qulshylyq etýshi musylman retinde aspandar men jerdi joqtan bar Etýshige (Fatyr) burdym. Men serik qosýshylardan emespin. Aqıqatynda, meniń namazym men qulshylyǵym jáne ómirim men ólimim álemderdiń Rabbysy Allaǵa. Onyń serigi joq. Mine, osyǵan men buıyryldym. Men eń áýelgi musylmandar qatarynanmyn».

Rýslan Kambarov

[1] Ál-Ihtııar, 1-tom, 72-bet
[2] Tahaýı, Sharh maánı ásár, 256-bet