Musylman áıeliniń kıimi qara tústi bolý shart pa?

Assalamý aleıkým!
Meniń suraǵym, qyz-kelinshekterdiń Islam talaptaryna saı kıiný úlgisi jaıly. Máselen, uzyndyǵy baltyrǵa deıin túsip turǵan jeıde jáne keń shalbar kııý hıjabtyń talabyna saı kele me? Sosyn, musylman áıel kıiminiń túsi mindetti túrde qara bolýy tıis pe?      

Ответ

Ýa aleıkým assalam!
Qyz-kelinshekter kıimi men oramalynyń túsi men kórinisi bir qalypty bolýy shart emes. Alaıda, tómendegi talaptarǵa saı kelýi qajet, olar:

1.Kózdiń jaýyn alatyn, eriksiz nazar tartatyndaı bolmaýy;

2.Áıeldiń denesi kórinetindeı juqa bolmaýy;

3.Dene pishimin aıshyqtap turatyndaı tar bolmaýy;

4.Kıim deneni tolyǵymen jaýyp turýy tıis. Áıeldiń bileziginen tómen eki qoly, aıaǵynyń tobyqtan tómen bóligi jáne bet-júzinen basqa barlyq jeri jabyq bolýy kerek.

Al, áıel kıiminiń túsine keler bolsaq, Saýd Arabııasynyń Ǵylymı zertteýler jáne Pátýa berý turaqty uıymy bylaı dep naqtylaıdy: «Musylman áıeldiń kıimi tek qara tústi bolýy shart emes. Áıeldiń kez kelgen tústegi kıimdi kııýine ruqsat etiledi. Alaıda, kıimi áýretin jabýy, er kisiniń kıimine uqsamaǵan bolýy, dene múshesin aıqyn kórsetetindeı tar bolmaýy, kıim dene kórinip turatyndaı juqa bolmaýy jáne er kisilerdi azǵyratyndaı pishimde bolmaýy kerek», – dep aıtqan.
Qoryta aıtqanda, musylman áıeliniń kıim úlgisine qoıylatyn sharıǵı talaptar osy.

Rýslan Kambarov