Súrme jaǵý súnnet pe?

Əssələmý əleıkým! Súrme jaǵý degen ne jəne ony ne úshin jaǵady? Asyljan

Ответ

Ýa aleıkým assalam!

Súrme jaǵý – er kisi men áıelge ortaq súnnet. Bul jóninde mynadaı derekter bar: Ibn Abbas (r.a.): «Anyǵynda, senderdiń eń jaqsy súrmeleriń – Ismıd. Ol kóz janaryn ashyp, kirpikti ósiredi[1]», – degen hadıs rıýaıat etken.

Sonymen birge, Ibn Omar (r.a.) jetkizgen hadıste: «Súrme jaǵyńdar, ol kóz janaryn kúsheıtedi jáne kirpikti ósiredi[2]», – delingen.

Ismıd – mıneraldy Element, krıstal formaly, qalaıy tústi. Qatty biraq tek synǵysh taý tasy. Taza kúıde bolady[3].

Qoldaný ádisine qatysty Ibn Abbas (r.a.): «Alla Elshisiniń (s.ǵ.s.) súrme ydysy bolatyn. Jatar aldyn ár kózine úsh ret jaǵyp jatatyn[4]», – deıdi.

Súrmeniń paıdasy jaıly: «Súrme kózdiń janaryn qaıratty etedi. Sonymen birge, kirpikti uzyn etedi[5]», – dep aıtylǵan.

[1] Sýnan kitaptary
[2] Ibn Maja
[3] Mýǵjam Ýasyt, 100-bet
[4] Tırmızı
[5] Jamıǵ Ýsýl fı ahadıs rasýl, 3-bólimi, 209-bet