Kún ystyqtaǵy orazanyń saýaby mol bolady ma?
Assalamý aleıkým! Ystyq kúni tutqan orazanyń saýaby jaı kúnderdegi oraza saýabynan kóbirek pe?
Ответ
Ýa aleıkým assalam!
Oraza – pendeni Alla Taǵalaǵa jaqyndatýshy eń abzal qulshylyqtardyń biri. Haq Taǵala rızashylyǵy úshin bir kún oraza tutqan adamnyń júzi tozaqtan jetpis jylǵa alystatylady. Bul jaıly Ábý Saǵıd ál-Hýdrı (r.a.): «Kimde-kim Alla jolynda bir kún oraza tutsa, Alla Taǵala onyń dıdaryn tozaqtan jetpis jylǵa alystatady[1]», – degen rıýaıat jetkizgen.
Al, orazany tutý táýliktiń uzaqtyǵy nemese kúnniń ystyǵyna baılanysty qıyndaı tússe, onyń saýaby da kóbirek bolady. Aısha (r.a.) anamyzǵa Alla elshisi (s.ǵ.s.) umra qajylyǵynda: «Rasynda saǵan qınalǵandyǵyń jáne jumsaǵan qarajatyńnyń mólsherindeı saýap bar[2]», –degen eken.
Hadıste aıtylǵandaı, qulshylyq jasaý barysynda kezdesken qıynshylyqtar ǵıbadattyń saýabyn eseleı túsedi.
