Barmen bolý sharıǵatqa qaıshy ma?

Assalamýaǵaleıkým! Barmen jumysyn atqaramyn. Iaǵnı ishimdik arasynda 3 jyl boldy. Ózim múldem araq-sharap aýzyma alǵan emespin, temeki tartpaımyn. Boıdaqpyn. 25 jastamyn. Tabysymdy adal jolǵa jumsaımyn. Alaıda, osy qyzmetim durys pa? Sol jaıly aqyl-keńesterińizdi aıtsańyzdar!

Ответ

Ýa aleıkým assalam!

Quran Kárimde: «Eı, múminder! Mas etetin ishimdik jáne qumar oıyndary ári tabyný úshin qoıylǵan nárseler jáne bal ashatyn taıaqshalar – jıirkenishti dúnıeler ári shaıtannyń isi. Murattaryńa jetý úshin olarǵa jolamańdar. Aqıqatynda, shaıtan mas etetin ishimdik pen qumar oıyny arqyly aralaryńa dushpandyq pen jek kórýshilik salyp, senderdi Allany eske alýdan jáne namaz oqýdan tosýdy qalaıdy. Endeshe, tyıylarsyńdar?»[1] – dep, araq-sharaptyń haramdyǵy jáne onyń sebebin túsindirýde.

Paıǵambar (s.ǵ.s.) sahabalarynyń biri Ibn Abbas (r.a.) «Araq-sharap haram bolǵany jaıly aıat túsken kezde sahabalar bir-birine «araq-sharap haram boldy, serik qosýǵa teńeldi» dep qulaǵdar etti», – degen.[2]

Al, myna hadıste: «Araqtyń ózi, ishýshi, quıýshy, satýshy, satyp alýshy, araqty óndirýshi, óndirýge tapsyrys berýshi, tasymaldaýshy, tapsyrys etip aldyrýshy jáne araqtan túsken tabysty jeýshi laǵynetke ushyraǵan»,[3] –delingen. Mine, bul hadıste araq-sharappen qosa, araqtyń tóńireginde júrýi yqtımal on túrli adamnyń laǵynetke qalatyndyǵyn baıandalyp tur.

Óıtkeni, ishimdiktiń saldarynan qanshama adamdar densaýlyǵy men ómirinen aıyrylýda. Araq ishýshi nemese satýshy tikeleı nemese janama túrde óziniń jáne basqalardyń ómirine balta shabady.

Paıǵambarymyz (s.ǵ.s.): «Araq-sharaptan aýlaq júrińder. Óıtkeni, ol –  jamandyq ataýlynyń anasy. Kimde-kim budan aýlaq júrmese, Allaǵa jáne Elshisine qarsy shyqqandyqtan azapqa laıyq bolady...», – dep tekke aıtpaǵan.

[1] Maıda súresi, 90-91 aıattar
[2] Tabaranı
[3] Ábý Daýd