JYLDYQ ESEP-2024: DIN MEN DÁSTÚR BÓLIMI BIR JYLDA 50 MYŃNAN ASTAM IS-ShARA UIYMDASTYRDY
2024 jyl dinı qyzmet aıasynda «Islam jáne dástúr qundylyǵy» jyly dep jarııalanǵannan keıin Din men dástúr bólimi jáne oǵan qarasty Qoǵammen baılanys sektory Dinı basqarma uıymdastyrǵan barlyq aýqymdy is-sharaǵa atsalysty.
Bul týraly bólim meńgerýshisi Nurbek Esmaǵanbet habarlady.
«Din men dástúr bólimi jyl boıy múftııat janyndaǵy «Aqsaqaldar keńesiniń», «Sarapshylar keńesiniń» jáne bıyl qurylǵan «Jastar keńesiniń» májilisterin uıymdastyryp otyrdy. Jalpy 2024 jyly bólimniń uıytqy bolýymen 12 myńnan astam, Qoǵammen baılanys sektorynyń uıymdastyrýymen 11 myńǵa jýyq is-shara júzege asty» deıdi Nurbek Áýeshanuly.
Bólimge qarasty Jastar isi sektory respýblıka boıynsha nasıhat jáne saýattylyq, qoǵamdyq jumystar jáne sport baǵytynda 17 156 is-shara uıymdastyryp, oǵan 835 093 jas býyn ókili qatysty. Al Áıel-qyzdar sektory respýblıka meshitterinde áıel jamaǵatynyń atsalysýymen 10 986 shara atqaryp, 408 828 adam qamtyldy. «Islam jáne dástúr qundylyǵy» jyly aıasynda «Jastar – rýhanııat shamshyraǵy» II respýblıkalyq Jastar forýmy ótti. Bıyl Astanadaǵy Respýblıkalyq bas meshitte jastar arasynda «DINTELLECT» zııatkerlik bilim saıysynyń fınaldyq saıysy ótip, jeńimpazdar baǵaly syılyqtarmen marapattaldy. Al Áıel-qyzdar sektory respýblıka meshitterinde 107 585 shara atqaryp, bir mıllıonnan astam adam qamtyldy. Sektordyń atqarǵan aıtýly sharalarynyń biri – Astana qalasynyń «Áziret Sultan» meshitinde ótken «Qazaq qoǵamyndaǵy tarıhta esimi qalǵan analarymyzdyń kelbeti» forýmy jáne «Al-Fattah» meshitinde uıymdastyrylǵan «Otbasym – baqyt mekenim» rýhanı keshi. Sondaı-aq Arqalyq, Oral qalasynda sý tasqynynan zardap shekken januıalarǵa 10 mıllıon teńge qarjylaı jáne 55 tonna gýmanıtarlyq kómek jasaldy.
