JYLDYQ ESEP-2024: BIR JYLDA 88 BASPANA KILTI TABYSTALDY
QMDB «Zeket jáne qaıyrymdylyq» qorynyń «El úlesi – páterge» qaıyrymdylyq aktsııasy aıasynda 2024 jyly baspanaǵa muqtaj 88 otbasyǵa páter kilti tabystaldy. Bul týraly qor dırektory Maqsatbek Qaıyrǵalıev habarlady.
«2024 jyly qorymyz arqyly 353 919 otbasy qaıyrymdylyq kómek aldy. Al «Mektepke jol» jobasy boıynsha 25 914 áleýmettik az qamtylǵan otbasyǵa oqý quraldarymen kómek jasalyndy. «El úlesi – páterge» jobasy boıynsha 30 din qyzmetkerine, 58 muqtaj otbasyǵa, barlyǵy 88 baspana kilti tabystaldy. «Sý tasqynynan zardap shekkenderge shuǵyl kómek» qaıyrymdylyq jobasy aıasynda Aqtóbe, Atyraý, Qostanaı, Batys jáne Soltústik Qazaqstan oblystaryna kómek berildi. Astanada «QAIYRYMDYLYQ JARShYLARY» IlI Respýblıkalyq eriktiler forýmy, oblystarda 18 jergilikti, óńirlik jáne aımaqtyq forým ótkizildi. Respýblıka boıynsha jalpy eriktiler sany qazirgi tańda 2 635-ke jetti» deıdi qor dırektory.
