JYLDYQ ESEP-2024: BAS MÚFTI 59 HALYQARALYQ IS-ShARAǴA QATYSTY
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly 2024 jyly 9 elge resmı 11 saparmen baryp, 59 halyqaralyq is-sharaǵa qatysty.
Bul týraly QMDB Halyqaralyq baılanys jáne hattama bóliminiń meńgerýshisi Marat Bektazınov habarlady.
«Dinı basqarma halyqaralyq baılanysty da nyǵaıtyp, alys-jaqyn sheteldermen áriptestik qarym-qatynasty arttyryp keledi. QMDB Tóraǵasy 2024 jyldyń basynda Saýd Arabııasy Koroldigine jumys saparymen baryp, musylman úmbetiniń birligi, qajylyq salasyn damytý ári ońtaılandyrýǵa qatysty mańyzdy kelissózder ótkizdi. Er-Rııad qalasynda Dúnıejúzilik Islam Lıgasynyń uıymdastyrýymen Islam fıqh akademııasynyń 23-otyrysyna qatysty. Taǵy bir erekshe atap ótetin jaıt, Bas múftı Naýryzbaı qajy Taǵanuly Dúnıejúzilik ıslam lıgasy janyndaǵy Islam fıqhy akademııasynyń múshesi atandy. Túrkııanyń Ystambul qalasynda ótken «Dúnıejúzilik ıslam ǵulamalarynyń joǵary keńes sammıtinde» arnaıy baıandama jasady. QMDB Tóraǵasy Ázerbaıjan astanasy Bakýde jáne Shýsha qalasynda ótken halyqaralyq forýmdarǵa da qatysty. Bas múftı bastaǵan QMDB delegatsııasy alǵash ret Iordanııa Hashımıttik Koroldigine resmı saparmen baryp, birqatar kelissózderge qol jetkizdi. Mońǵolııa jerine de arnaıy baryp, Baıan-Ólgıı aımaǵyndaǵy qazaqtarmen suhbattasty. Naýryzbaı qajy Taǵanuly Mekke qalasyna arnaıy shaqyrýmen baryp, qasıetti Qaǵbany jýý rásimine qatysý qurmetine ıe boldy. Sondaı-aq Mysyr Arab Respýblıkasyna arnaıy issaparmen baryp, birqatar halyqaralyq is-sharaǵa, kezdesýge qatysty» deıdi Marat Dálelhanuly.
Aıta keteıik, Bas múftı Naýryzbaı qajy Taǵanuly Dinı basqarmada ózge memleketterdiń elimizdegi 5 elshisimen kezdesti. Odan bólek 14 sheteldik mártebeli meımandy qabyldady. QMDB Tóraǵasy elimizdiń 16 oblysyna jumys saparymen baryp, dinı ahýalmen tanysyp, túrli rýhanı-tanymdyq, ǵylymı, qaıyrymdylyq t.b. barlyǵy 177 sharaǵa qatysty.
