JYLDYQ ESEP-2024: 910 GEKTAR ZIRAT TsIFRLANDYRYLDY
Qazaqstan musylmandary dinı basqarmasyna qarasty «QAMQOR-SHARAPAT» ortalyǵynyń mamandary 2024 jyly 910 gektarǵa jýyq musylman zıratyn tsıfrlandyrý isine atsalysty.
Bul týraly ortalyqtyń dırektory Meırambek Qabylbekuly habarlady
«QazAEroSpeıs», «Jeti ata» jáne «SHARAPAT-Digital» kompanııalarymen jasalǵan Zırattardy tsıfrlandyrý memorandýmy aıasynda arnaıy jumys tobymen birge respýblıkanyń barlyq oblys ortalyqtary men respýblıkalyq mańyzy bar qalalarynda semınarlar ótkizdik. Semınar uıymdastyrýshylary zırattar týraly derekterdi ortalyqtandyrýdyń, jerleý úshin bólinetin ýchaskelerdiń rettiligin saqtaýdyń mańyzdylyǵyn túsindirip, óńirlerdegi 910 gektarǵa jýyq musylman zırattaryn tsıfrlandyrý isine de is júzinde atsalyst» deıdi salttyq qyzmet kórsetý ortalyǵynyń dırektory.
Aıta keteıik, qazirgi tańda óńirdegi zırattardan Ortalyqqa 50 ga jer ýchaskeleri bólindi. Astanada Bas múftı Naýryzbaı qajy Taǵanuly demeýshilerdiń kómegimen Ortalyqqa eki jańa salttyq qyzmet kóligin tabys etti. Ortalyqtyń respýblıka boıynsha aýqymdy meshitterdiń janynan ashylǵan 59 bólimshesinde 210 maman táýlik boıy halyqqa salttyq qyzmetter kórsetip keledi. Eldegi 800 zıratqa «Zırat jáne zııarat mádenıeti» qujatyna saı zırat kóterýdiń ádebi kórsetilgen taqtalar ornatyldy.
«Ótkenge qurmet – tirige mindet» sharasy aıasynda sáýir jáne qyrkúıek aılarynyń sońǵy senbilerinde el aýmaǵyndaǵy zırattarǵa tazalyq jumystary uıymdastyrylyp, jalpy aýqymy 1600 ga zırat ýchaskeleri qoqystan tazartylsa, qorshaýsyz turǵan jalpy alańy 161 ga zırat ýchaskeleri qorshaldy. Ortalyq jáne jalpy salttyq qyzmet týraly egjeı-tegjeıli aqparat berý úshin arnaıy saıt iske qosylyp, áleýmettik jeliler jáne BAQ arqyly jyl basynan beri Ortalyq jumystary 2060 ret nasıhattaldy.
