JYLDYQ ESEP-2024: 1 JYLDA 702 087 ÝAǴYZ AITYLDY
2024 jyly elimizdiń meshitterinde 702 087 ýaǵyz-nasıhat aıtyldy.
QMDB Ýaǵyz-nasıhat bóliminiń meńgerýshisi Batyrjan Mansurovtyń aıtýynsha, bıyl meshitterimizde bekitilgen 52 taqyryp boıynsha 117 739 ret juma ýaǵyzy aıtylyp, 1 803 053 adam qamtyldy. El meshitterinde 282 504 besin ýaǵyzy, 301 844 keshki ýaǵyz aıtyldy.
«Qazaqstan musylmandary dinı basqarmasy tarapynan bekitilgen 30 qazaq tildi jáne 12 orys tildi Respýblıkalyq aqparattyq-nasıhat top músheleri óńirlerde josparǵa saı 335 kezdesý ótkizip, oǵan 156 309 adam qatysty. Odan bólek jospardan tys 61 kezdesý ótkizip, oǵan 55 642 adam qamtyldy. Bas múftı Naýryzbaı qajy Taǵanulynyń bastamasymen RANT músheleriniń biliktiligin arttyrý maqsatynda Astana qalasynda semınar uıymdastyryldy. Sondaı-aq óńirlerdegi jergilikti aqparattyq-nasıhat tobynyń 411 ımamy 11 247 kezdesý ótkizdi. Sondaı-aq Qazaqstan musylmandary dinı basqarmasy ustazdarynyń qatysýymen 105 beıneýaǵyz ázirlenip, áleýmettik jelilerge jarııalandy. Búgingi tańda onyń jalpy qaralymy 2 mıllıonnan asty. Sondaı-aq jyl basynda elordamyz Astanada «Qazaqstan qoǵamynda ýaǵyz aıtýdyń ádebi men mádenıeti» taqyrybynda I respýblıkalyq ýaǵyzshylar forýmy uıymdastyrylyp, «Ýaǵyz aıtýdyń ádebi men mádenıeti» erejesi bekitildi» dedi Batyrjan Berdenuly.
