«Jibek» qyz-kelinshekter klýby aýyzashar berdi (FOTO+VIDEO)
«Nur Astana» meshitiniń janyndaǵy «Jibek» qyz-kelinshekter klýby elordalyq áıelder qaýymyna arnaıy aýyzashar berdi, dep habarlaıdy ummet.kz tilshisi.
Qasıetti Ramazan aıynda ár sala ókilderine aýyzashar berý, áleýmetti bir dastarhan basyna toptap, olardyń bereke-birligine sebep bolý – el meshitterinde qalyptasqan úrdis. Osyǵan oraı, QMDB-nyń Nasıhat jáne qoǵammen baılanys bóliminiń Áıelder-qyzdar sektoryna qarasty, «Nur Astana» meshitiniń «Jibek» qyz-kelinshekter klýby Elordamyzdyń rýhanı ómirine atsalysyp júrgen ár salanyń bilikti ókilderiniń basyn qosyp aýyzashar berdi. Atap aıtqanda, bıylǵy aýyzashar zııaly qaýym ókilderi, jýrnalıster, sport salasynyń maıtalmandary, kóp balaly analar men zaǵıp jandardy qamtydy. «Nur Astana» meshitiniń I naıb ımamy Bekzat Aqjolov pen naıb ımam Erbol Abdýahıtuly meshit atynan arnaıy qatysyp, jınalǵan qaýymdy qasıetti aımen quttyqtap, Ramazan aıyn taqýalyqpen ótkizý týrasynda ýaǵyz-nasıhat aıtty.
«Qazaqstan» ulttyq arnasynyń prodıýsseri Tanakóz Tolqynqyzy, «Shalqar» radıosynyń redaktor-júrgizýshisi Gúlnur Omarhanqyzy, qolkúresinen halyqaralyq dárejedegi sport sheberi, qolkúresi boıynsha Azııa jáne Tynyq muhıt jaǵalaýlary elderiniń jeńimpazy, Azııa kýboginiń ıegeri Qarlyǵash Israılova, Aınııash Baısalbekova, Baqytjan Demeıeva qatarly qajy apalar men Ǵalııash Ýsmanova qatarly qonaqtar sóz alyp, ózderiniń aqjarma tilekteri men meshit ujymyna degen rızashylyqtaryn bildirdi.
