JASTAR ISI SEKTORY: ASTANADA STÝDENTTER MEN MÚMKINDIGI ShEKTEÝLI JANDARǴA AÝYZAShAR BERILDI (FOTO)

Qazaqstan musylmandary dinı basqarmasy Astana qalasy ókildiginiń Jastar isi sektory elordalyq stýdentter men múmkindigi shekteýli jandarǵa arnap aýyzashar dastarhanyn jaıdy.

Astana qalasy «Jastar isi» sektorynyń jetekshisi Rahymjan Talǵatulynyń uıymdastyrýymen ótken bul ıgi is-shara jastardyń basyn qosyp, Ramazan aıynyń berekesin sezindirýdi maqsat etti. Rýhanı basqosýda ımandylyq, bilim, tárbıe jáne qoǵamdyq jaýapkershilik taqyryptary keńinen qozǵaldy. Jınalǵan jastarǵa qasıetti Ramazan aıynyń qundylyqtary men musylmandyq mindetter jaıly taǵylymdy nasıhat aıtyldy.

Kezdesýde bilimi men biliktiligin arttyrýdyń mańyzdylyǵy, árbir jastyń óz salasynyń kásibı mamany atanyp, qoǵamǵa paıdasyn tıgizýi – musylmandyqtyń bir kórinisi ekeni túsindirildi. Sonymen qatar, izgi amaldar jasaý, ózgelerge kómek qolyn sozý, izdenis pen eńbektiń berekesi jóninde mańyzdy pikirler ortaǵa salyndy.

Shara barysynda stýdentter kókeılerindegi suraqtaryn qoıyp, ómirlik tájirıbesi mol azamattardan aqyl-keńes aldy. Din men ǵylymnyń ushtasýy, jastardyń zaman talabyna saı bilikti de sanaly azamat bolyp qalyptasýy jóninde pikir almasý ótti.

Jıyn sońynda stýdentter uıymdastyrýshylarǵa alǵys bildirip, osyndaı rýhanı kezdesýlerdiń jıi ótkizilip turýyn qalaıtyndaryn jetkizdi.