Japonııada mobıldi meshit paıda boldy
Japonııa 2020 jylǵy jazǵy Olımpııada oıyndaryna daıyndyq júrgizýde, osy ýaqytta musylman meımandar úshin qolaıly jaǵdaı jasaý úshin eldegi sporttyq jáne mádenı sharalardy uıymdastyrý kompanııalarynyń biri dóńgelektegi meshit jobasyn oılap tapty.
Kompanııa dırektory Asýharý Inoýeniń aıtýynsha, Japonııa úshin meshit sanynyń azdyǵy 2020 jyly úlken máselege aınalýy múmkin. Sebebi olımpıada oıyndaryna álem elderine, onyń ishinde musylman memleketterinen myńdaǵan adam keledi.
Al mobıldi meshit jobasy osy jaǵdaıdan ońtaıly shyýdyń birden bir joly. Stadıon mańynda sportshylar men musylman kórermenderdiń qulshylyqtaryn ýaqtyly jasaýlaryna múmkindik beredi.
«Biz qonaqjaı el retinde ózimizdiń tyń ıdeıalarymyzben bólisip, japondardyń musylmandarǵa qonaqjaılylyq tanytanyny kórsetkimiz keledi» deıdi kompanııa dırektory.
Birinshi mobıldi meshit qazirdiń ózinde Taıota stadıony mańyna kelip turady. 25 tonnalyq kólik ishinde uzyndyǵy 48 metr bólme syıyp ketedi, onda 50 adam namaz oqýyna bolady.
