«JANUIa JARASYMY»: BIYL NEKE QIǴAN JUPTARǴA SEMINAR ÓTTI (FOTO)

Búgin Astana qalasyndaǵy «Áziret Sultan» meshitinde «Januıa jarasymy» atty jas jubaılarǵa arnalǵan semınar ótti. «Islam – yntymaq pen birlik jyly» aıasynda uıymdastyrylǵan sharaǵa jyl basynan beri «Áziret Sultan» meshitinde neke qıdyrǵan jas jubaılar shaqyrylyp, otbasy qundylyǵy jaıynda nasıhat aıtyldy.

«Áziret Sultan» meshitiniń jáne Astana qalasynyń bas ımamy Erbolat Nuryldauly semınarǵa qatysýshylarǵa izgi tilegin bildirip, otbasylyq baqytqa jetý joldaryn aıtty. Ata-anany qadirleý, jubaılar arasyndaǵy kelisim men teńdik, keıbir otbasylyq kıkiljińderdiń sheshimi, t.b. taqyryptarda oı órbitken bas ımam ýaǵyzy jańadan shańyraq kótergender úshin úlken azyq boldy.

Shara sońynda semınarǵa qatysýshylar arasynda vıktorınalyq suraqtar qoıylyp, jaýabyn tapqandarǵa «Áziret Sultan» meshiti atynan arnaıy syılyqtar tabystaldy.

Sýretter toptamasyn «FOTOGALEREIa» aıdarynan kóre alasyzdar!