JAMAǴATQA QUMAR OIYNDARYNYŃ ZARDABY TÚSINDIRILDI (FOTO)

«Yryskeldi qajy» meshitinde jamaǵatqa qumar oıyndarynyń zııany týraly ýaǵyz-nasıhat jasaldy. Meshittiń naıb ımamy Rashıd Alpysbaev lýdomanııa dertiniń elimizdegi azamattarǵa jáne qoǵamǵa tıgizip jatqan kesiri jaıynda baıandap, rýhanı keselderden árdaıym aýlaq bolýǵa shaqyrdy.

Lýdomanııa, ıaǵnı azarttyq oıyndarǵa táýeldilik – bul shekten tys mólsherde aqsha jumsaýǵa jáne oıynǵa táýeldi bolýǵa alyp keletin psıhologııalyq aýrý. Adam balasyn eki dúnıede zııanǵa ushyratyp, baqytsyzdyqqa dýshar etetin rýhanı dertterdiń biri – qumar oınaý. Alla Taǵala qasıetti Quranda qumar oıynǵa tyıym salyp: «Ýa, ıman keltirgender, araq-sharap, qumar, tabynýǵa arnalǵan puttar jáne jebelermen bal ashý shaıtannyń amaly sanalatyn las ister. Endeshe odan aýlaq bolyńdar. Múmkin, qutylarsyńdar», ­– dep aıtqan («Máıda» súresi, 90-aıat).

Источник: Aidos