«YRYSKELDI QAJY»: JASTAR ISI SEKTORY MEREKELIK SYILYQ TARATTY (FOTO)

«Yryskeldi qajy» meshitiniń Jastar isi sektorynyń uıymdastyrýymen qasıetti Ramazan aıynyń qurmetine jáne Naýryz meıramyna oraı ıgi is-shara ótti. Izgilik pen qaıyrymdylyqqa negizdelgen is-shara barysynda qala turǵyndaryna, onyń ishinde kóshe tazalyqshylaryna, halyqqa qyzmet kórsetý ortalyǵynyń qyzmetkerlerine, emhanadaǵy naýqas jandarǵa naýryz syılyǵy taratyldy.

Ramazan – meıirim men qaıyrymdylyq aıy. Bul qasıetti aıda musylmandar tek ózderin rýhanı tazartyp qana qoımaı, muqtaj jandarǵa kómektesýge, saýapty amaldardy kóbirek jasaýǵa tyrysady. Jaqsylyq jasaý – Ramazannyń basty qaǵıdalarynyń biri. Sol sebepti, osyndaı qaıyrymdylyq sharalary qoǵamdaǵy birlik pen janashyrlyqty arttyryp, adamdardyń bir-birine degen qamqorlyǵyn nyǵaıta túsedi.