«YRYSKELDI QAJY» MEShITINIŃ BAS IMAMY «BIRLIK» ALTYN MEDALIMEN MARAPATTALDY (FOTO)

Respýblıka kúni ulttyq mereke qarsańynda Qazaqstan Respýblıkasy Prezıdentiniń Jarlyǵymen Ismaılov Iahııahoja Abdollauly Qazaqstan halqy Assambleıasynyń «Birlik» altyn medalimen nagradtaldy.

Iahııahoja Ismaılov – Qazaqstan halqy Assambleıasynyń múshesi, Astana qalasyndaǵy «Yryskeldi qajy» meshitiniń Bas ımamy. Ol eldiń dinı saýatyn ashýǵa, jastardy ımandylyqqa tárbıeleýge, dostyqty dáripteýge ólsheýsiz úles qosyp keledi. Jezqazǵan jáne Soltústik Qazaqstanda bas ımam qyzmetterin atqardy. Búginde Astana qalasy «Yryskeldi qajy» meshitiniń bas ımamy. Memlekettik marapat oǵan halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin berildi.

«Mereke degenniń ózi halyqty biriktiretin, birlikke, berekege shaqyratyn dúnıe ǵoı. Ulttyq merekemiz bizdiń júregimizge ornyǵyp, el bolyp toılap jatyrmyz. Derbestikke bastaǵan deklaratsııa qabyldandy. Dál osy merekede marapat alyp jatqanyma qýanyshtymyn. Eńbektiń baǵalanǵany, istegen isimiz jemisi. Bul ortaq jetistigimiz. Respýblıka kúni qutty bolsyn», – Iahııahoja Abdýllauly.

Источник: Aidos