«Yryskeldi qajy» meshitindegi aıt namazynan kórinister (FOTO)

Qasıetti Oraza aıt merekesiniń bastaýy bolǵan aıt namazyna asyqqan jamaǵattyń bul kúni sanynda shek bolmaıdy. Elimizdegi qulshylyq ordalarynyń bul kúni ishi túgili, aýlasynyń ózinen ıne shansharlyq oryn tabylmaı jatady. Halqymyzdyń qasıetti Oraza meıramyna degen qurmeti men nıeti osydan-aq ańǵarylyp turatyndaı.

Halyq arasynda óziniń erekshe sáýletine sáıkes «Allanyń gúli» atanyp ketken Nur-Sultan qalasyndaǵy «Yryskeldi qajy» meshiti de bul kúni jamaǵatqa lyq tolyp, meshit aýlasynda sap túzegen halyqtyń qarasy kóp boldy.

Meshit bas ımamy Iahııa qajy Abdollauly jamaǵatqa aıt namazyn ótkizip, aıt qutpasyn jetkizdi. Jamaǵatty Oraza aıt merekesimen quttyqtap, búgingi kúnniń erekshelikterine toqtaldy. Aıt namazy aıaqtalysymen meshit aýlasynda ulttyq sport oıyndary oınatylyp, jeńimpaz jandarǵa marapat taratyldy.