Vestgottardyń ejelgi qalasynan meshittiń orny tabyldy

Ejelgi german taıpalarynyń biri vestgottardyń ıesiz qalǵan kóne qalasy Rekkopolısti zertteý barysynda arheologtar erekshe ǵımaratqa tap bolyp otyr. Geomagnıttik zertteý qorytyndysy kórsetkendeı, tabylǵan qaldyqtar saltanatty saraı men meshit qurylysyna dóp keledi.

Sondaı-aq, úlken alańqaıy bar ǵımarattyń qabyrǵasy qubylaǵa qarata salynǵan eken. Ǵımarattyń ishki qurylysy da qulshylyq ordasyna uqsas salynǵan. Degenmen, bul tabylǵan qazbanyń meshit ekendigine naqty tujyrym jasaý úshin áli de zertteı túsý qajet.

Aıta keteıik, Rekkopolııa shahary kezinde vestgotttardyń astanasy bolǵan. Onyń jasy shamamen 14 ǵasyrǵa esepteledi.