UMRA JASAÝShYLARDYŃ NAZARYNA!
Saýd Arabııasy Koroldiginiń Qajylyq jáne umra mınıstrligi 2025 jylǵy qajylyq maýsymyna daıyndyqqa oraı umra qulshylyǵyn óteýge nıet bildirgen shet el azamattary úshin naqty merzimdi belgiledi.
Umra jasaý maqsatynda Saýd Arabııasyna kelýdiń sońǵy kúni – 2025 jyldyń 13 sáýiri. Al Koroldik aýmaǵynan shyǵýdyń eń sońǵy merzimi – 29 sáýir. Atalǵan merzimnen keıin Koroldik aýmaǵynda qalyp qoıǵan shet el azamattary zań buzýshy retinde tanylyp, tıisti jaýapkershilikke tartylatyny eskertildi.
Mınıstrlik umra qulshylyǵyn óteýshi sheteldik azamattar men olardy uıymdastyratyn týrıstik kompanııalardy belgilengen ýaqyt tártibin saqtaýǵa jáne bekitilgen erejeler men nusqaýlyqtardy basshylyqqa alýǵa shaqyrady.
Sondaı-aq, umra rásiminen keıin belgilengen merzimde elden shyqpaǵan jaǵdaıda, shet eldik azamattar men olardy uıymdastyrǵan kompanııalarǵa 100 000 saýd rıalyna deıin aıyppul salynýy múmkin ekendigi eskertiledi.
Qazaqstan musylmandary dinı basqarmasy 2025 jylǵy qajylyq maýsymy shet el azamattary úshin 29 sáýirden bastalatynyn habarlaıdy. Bul – «UMRA – 2024-2025» maýsymynyń aıaqtalý merzimimen sáıkes keledi. Osyǵan baılanysty atalǵan kúnnen keıin Saýd Arabııasynda umra rásimin óteýge jol berilmeıtinin eskertemiz.
QMDB barsha jamaǵatty Saýd Arabııasy Koroldigi Qajylyq jáne umra mınıstrliginiń sheteldik azamattarǵa qatysty erejelerin qatań saqtaýǵa shaqyrady. Sonymen qatar, kúmándi, tirkelmegen týrıstik kompanııalar arqyly umra saparyn uıymdastyrýdan bas tartý qajettigin eskertedi.
Bıyl qajylyqqa nıet etken otandastarymyzǵa lıtsenzııasy joq, qajylyq oryndary berilmegen týrfırmalarmen baılanys ornatpaý jáne zańsyz áreketterge barmaý týraly taǵy bir márte eske salady. Al arnaıy lıtsenzııasy bar, qajylyq oryndaryn alǵan týroperatorlar tizimin nazarlaryńyzǵa usynamyz.
QMDB Qajylyq bólimi
