UMRA SAPARYN UIYMDASTYRÝ JÓNINDE QMDB MÁLIMDEMESI

Qazaqstandyq azamattar Qajylyq maýsymynan bólek aılarda jyl boıy umra saparyna baratyny belgili. Saýd Arabııasyna barýǵa Qazaqstan azamattaryna týrıstik vıza ashylǵaly umraǵa aparýshy qazaqstandyq týrfırmalardyń sany ósýde.

Ókinishke qaraı, sońǵy kezde Dinı basqarmaǵa el azamattary tarapynan túrli týrfırmalardyń kúmándi is-áreketterine qatysty shara qoldanýdy suraıtyn shaǵymdar kóbeıdi.

Osy oraıda umraǵa baratyn azamattarǵa qyzmet kórsetý, olardyń qaýipsizdigin qamtamasyz etý atalmysh týrfırmalar jaýapkershiliginde ekenin eske salamyz. QR syrtqy týrızmdi retteıtin tıisti zańnamasyna saı umra saparyn toppen uıymdastyrý úshin mindetti túrde memlekettik lıtsenzııasy bolýy tıis jáne ár umra jasaýshyǵa týroperator tarapynan týrkod berilýi qajet. Mundaı talaptar oryndalmaǵan jaǵdaıda umrany toppen uıymdastyrý QR zańdaryna qaıshy.
Osy rette umraǵa barýshylardy baqylaýǵa jáne olarǵa týrfırmalar tarapynan jasalatyn qyzmetti qadaǵalaýǵa Dinı basqarmanyń zańdy quzireti joq ekenin málimdeımiz.

Sonymen qatar otandastarymyzdy resmı týroperatorlyq lıtsenzııasy joq týrkompanııalarmen umra saparyna barmaýǵa shaqyramyz.

QMDB Qajylyq bólimi