«Ummet» ınternet radıosy iske qosyldy

«Nur Astana» meshitine qarasty «Ummet.kz» rýhanı-aǵartý saıtynda ınternet radıo iske qosyldy, dep habarlaıdy ummet.kz tilshisi.

Ǵalamtor jelisi arqyly aýdıoaqparat taratatyn «Ummet» radıosy tikeleı Efırde jumys isteıdi. Qazaqstan musylmandary dinı basqarmasyna qarasty saıttardyń ishinde alǵashqy bolyp osy formatta jumys isteıtin ınternet radıodan rýhanı bilimmen sýsyndaı alasyzdar.

Aıtalyq, QMDB ımamdary men ustazdarynyń besin, juma ýaǵyzdaryn jáne taqyryptyq sabaqtardyń aýdıonusqalalaryn tyńdaı alasyzdar. Sondaı-aq, aldaǵy ýaqytta «Ummet.kz» rýhanı-aǵartý saıtyndaǵy tanymdyq maqalalardyń aýdıonusqalary Efırde oqylady. Internet radıony bólek asha alasyz, sonymen birge saıt arqyly da tyńdaýǵa bolady.