Túrkistanda QMDB ǵımaraty ashyldy (FOTO)
Kıeli Túrkistan qalasynda Qazaqstan musylmandary dinı basqarmasynyń arnaıy ǵımaraty ashyldy.
Aıtýly sharany Túrkistan oblysynyń ákimi Janseıit Túımebaev ashyp, bul bastama tarıhı sheshim ekendigine toqtala kele, óziniń quttyqtaý sózin jetkizdi.
Saltanatty rásimde sóz alǵan Bas múftı Serikbaı qajy Oraz:
«Ońtústik Qazaqstan oblysynyń Túrkistan oblysy bolyp qaıta bekitilýi – danagóı sheshimi dep esepteımiz! Rýhanı jańǵyrý ıdeıasynyń shyn mazmuny endi ashylǵandaı kúlli qazaq halqy qýanyp, birinen biri súıinshi surap jatqanyna kýá bolýdyń ózi baqyt. Bul sheshimniń biz úshin rýhanı mańyzy – jańa aımaqtyń Túrkistan oblysy dep atalýy jáne onyń ortalyǵy qazaqtyń kúlli ulylaryna máńgilik meken bolǵan Túrkistan qalasynyń tańdalýy», – dep atap ótti.
Bas múftı Túrkistan qalasynan múftııattyń arnaıy keńsesiniń ashylǵandyǵyn jáne jaýapty qyzmetke óziniń birinshi orynbasary, naıb múftı Naýryzbaı qajy Ótpenovtyń taǵaıyndalǵanyn atap ótti.
Osydan keıin Qazaqstan Respýblıkasy Qoǵamdyq damý vıtse-mınıstri Berik Saqbaıuly sóz alyp, jańa ǵımarattyń ashylýymen quttyqtady.
