Túrik prezıdenti Afınada meshit joqtyǵyna qynjyldy

Túrkııa prezıdenti Redjep Erdoǵan Grekııa astanasyndaǵy musylmandardyń qıyn jaǵdaıyna qynjylys bildirip, óz eskertpesin bildirdi. «Afınada bizderdiń birde-bir meshitimiz qalmady. Olardyń barlyǵy jer betinen kúrep tastady. Alaıda, biz olar sekildi mundaı qadamǵa barmadyq, ásirese Stambýl shaharynda», – dedi ol Konstantınopoldi azat etýdiń 567 jyldyǵyna oraı ótkizilgen shara barysynda.

«Bizdiń babalarymyzdyń osydan júzdegen jyldar buryn qaldyrǵan meshitter men eskertkishteri az ǵana ýaqyt ishinde jermen-jeksen etildi». Túrik prezıdentiniń aıtýynsha, onyń ata-babalary dinı tózimsizdikti jeleýletip, qoǵamdyq jáne tarıhı qundylyqtardy qıratyp, búldirmegen. Qaıta qorǵap, saqtap  qalýǵa tyrysqan.

Grekııa saıasatyna qatysty Túrkııa Syrtqy ister mınıstrligi de syn aıtyp, Afına tarapynan Aııa-Sofııada Quran oqylǵan jaıtqa qatysty eskertpege jaýap qaıtyrlǵan. «Eýropa elderi ishinde astanasynda meshiti joq jalǵyz eldiń Aııa-Sofııada Quran oqylǵanyna qatty «alańdaǵany – bar bolǵany bul eldiń ymyrasyz psıhologııasyn ańǵartady» delingen mınıstrlik málimdemesinde.