«Sheıh Kýnta qajy» meshitine gazben jylytý júıesi ornatyldy (FOTO)

10 maýsym 2022 3413 0 Оqý rejımi

Qasıetti juma kúni Nur-Sultan qalasyndaǵy «Sheıh Kýnta qajy» meshitinde qýanyshqa toly shara ótti. Buǵan deıin jylytý jumystary qıynǵa soǵyp kelgen qulshylyq ordasyna búgin arnaıy gazben jylytý júıesi ornatylyp, ıgilikti sharaǵa muryndyq bolǵan demeýshi azamattardyń qatysýymen saltanatty túrde iske qosyldy.

Qýanyshty sharaǵa Nur-Sultan qalasynyń bas ımamy Erbolat Júsipov bastaǵan din qyzmetkerleri, Nur-Sultan qalasy ákimshiligi men Saryarqa aýdany ákimshiliginiń ókilderi, gaz tartý kompanııasynyń qyzmetkerleri, demeýshi azamattar qatysyp, izgi tilekterin bildirdi.

Qulshylyq ordasynyń kem-ketigin túgendep, qoldaý kórsetken demeýshi azamattarǵa Nur-Sultan qalasynyń bas ımamy Erbolat Júsipov ókildik atynan «Alǵys hat» tabystap, óz rızashylyǵyn jetkizdi. Sondaı-aq, osy ıgi iske uıytqy bolyp, uıymdastyrý jumystaryna belsene atqarǵan «Sheıh Kýnta qajy» meshitiniń bas ımamy Ibragım Keldibaıulyna da «Alǵys hat» tabystap, eńbegine jemis tiledi.

Aıta keteıik, qulshylyq ordasyna gaz tartý jumystarynyń negizgi bóligi qasıetti Ramazan aıynda atqarylǵan bolatyn.