«Sheıh Kýnta qajy» meshitinde qazaq tilin úırený kýrsy bastaldy (FOTO)

Qasıetti juma kúni Elordadaǵy «Sheıh Kýnta qajy» meshitinde ıgi jobanyń tusaýy kesilip, búgin alǵashqy otyrysy bolyp ótti. Meshit bas ımamy Ibragım Smataevtyń uıytqy bolýymen Nur-Sultan qalasy ákimdiginiń qoldaýy arqasynda «Qazaq tilin úırený» tegin kýrsy óz jumysyn bastady.

Meshit jamaǵatynyń kóbi ózge ult ókili bolǵandyqtan «Qazaq tilin úırený» kýrsy bastala salysymen ótinish bildirgenderdiń sany 20-dan asyp jyǵyldy. Arnaıy bekitilgen ustaz Bekmuhanbetov Almas Serikuly memlekettik tildi úırenýge yqylas bildirgen jamaǵatpen júzdesý ótkizip, jalpy kýrs jóninde maǵlumat berip ótti.

Shara sońynda meshit bas ımamy Ibragım Smataev jobanyń jemisti bolýyn tilep, jamaǵatpen birge duǵa jasady.