Shákirtter arasynda Allanyń 99 kórkem esimin jatqa aıtýdan jarys ótti (FOTO)

Ótken aptanyń sońynda Nur-Sultan qalasyndaǵy respýblıkalyq «Áziret Sultan» meshitiniń áıel shákirtteri arasynda Alla Taǵalanyń 99 kórkem esimin jatqa aıtýdan toptyq jarys bolyp ótti. Meshit ustazdary Dınara Qutqojaqyzy, Elmıra Buharbaeva jáne Zarına Shamıdýllaqyzy dáris beretin úsh toptan quralǵan komandalar ózara baq talastyryp, jyl boıǵy jıǵan bilimderin ortaǵa saldy.

Birneshe kezeńnen turatyn jarys barysynda shákirtter Allanyń 99 kórkem esimi men maǵynalaryn jatqa aıtýdan bólek, túrli shıratý oıyndaryna qatysyp, dinı suraqtarmen qatar san alýan vıktorınalyq synaqtar boıynsha da bilimderin baıqatty. Nur-Sultan qalasy meshitteriniń ustazdary Dınara Qutqojaqyzy, Aıgúl Kóksegen jáne Áıgerim Qaıratqyzy jarysqa qazylyq jasap, shákirtterdiń arasynan úzdigin anyqtaýǵa tyrysty.

Saıys sońynda qatysýshylardyń barlyǵyna estelik syılyqtar taratylyp, komandalar jınaǵan upaı sanyna sáıkes arnaıy marapattaldy.

Sýretterdi «FOTOGALEREIa» aıdarynan kóre alasyzdar!