Sezd hatshylyǵynyń qatysýshylary Bas meshitpen tanysty (FOTO)

Qazan aıynyń 5-6 kúnderi Elorda tórinde Álemdik jáne dástúrli dinder lıderleri sezi hatshylyǵynyń XIX otyrysy ótken bolatyn. Aıtýly sharaǵa álemniń túkpir-túkpirinen jaýapty mamandar qatysyp, birqatar mańyzdy sheshimder qabyldandy. Atap aıtqanda, VII Sezge daıyndyq barysy, plenarlyq jáne sektsııalyq otyrystarynyń formaty, sondaı-aq taqyrybyn anyqtaý, Elbasy N.Á. Nazarbaevtyń órkenıetaralyq jáne dinaralyq dıalogty ilgeriletýdegi kórnekti róli týraly arnaıy qujat qabyldaý jumystary talqylandy.

Eki kúnge sozylǵan Hatshylyq otyrysy aıaqtalysymen qurmetti qonaq Elorda tórindegi respýblıkalyq «Áziret Sultan» meshitin zııarat etip, qazaq júrtynyń Bas qulshylyq ordasymen tanysyp qaıtty.

BAÁ Musylman aqsaqaldar Keńesiniń bas hatshysy Sýltan Feısal Remeıtı, Zertteý ortalyǵynyń jetekshisi Djamal Mýhammed Darýısh ál-Samne, atqarýshy úılestirýshi Ahmed Iýsıf Ahmed Shaıh Alzaabı jáne Pákistan Islam respýblıkasynyń Islamabad Halyqaralyq Islam ýnıversıtetiniń Islamı zertteý ınstıtýtynyń bas dırektory Mýhammed Zııa ýl-Hak myrzalar qulshylyq ordasynyń tynys-tirshiligimen tanysyp, ortaq baılanys ornatyp qaıtty.

Qurmetti qonaqtardy «Áziret Sultan» meshitiniń bas ımamy Erbolat Júsipov ózi qarsy alyp, respýblıkalyq Bas meshit jaıynda qundy maǵlumattarǵa qanyqtyrdy.

Sýretter toptamasyn «FOTOGALEREIa» aıdarynan kóre alasyzdar!