Semeıde salynyp jatqan meshit 2020 jyldyń jazynda ashylady

Búginde jańa meshittiń qurylysy belsendi júrgizilýde. Qurylys alańyna baryp, jumys barysymen tanysqan qala ákimi Ermak Sálimov kommýnaldyq mekemelerge meshitke qajetti barlyq ınjenerlik kommýnıkatsııalardy usyný máselesin jaqyn arada sheshýdi tapsyrdy. Al, qurylys kompanııasynyń ókili Tursyn Tastekeev qala ákimine ǵımaratqa shyny kúmbez ornatylatynyn aıtty. 

«Almatyda osyndaı zattardy shyǵaratyn zaýyt bar. Qazir biz kelissózder júrgizýdemiz. Bul kúmbez meshittiń ishi jaryq bolýyna múmkindik beredi», - dedi T. Tastekeev. 

Joba boıynsha 2700-3000 adamǵa eseptelgen meshit munarasynyń bıiktigi 37 metrdi quraıdy. Ǵımarattyń tómengi qabattynda qatymhana ornalasyp, meshit aldynda 700 kólikke arnalǵan avtoturaq salynatyn bolady. Sondaı-aq, jaıaý júrginshilerge arnalǵan arnaıy kópirler boı kóteredi.

Eske sala keteıik, 10 jyl turalaǵan meshittiń qúrylysy ótken jyldyń maýsym aıynda qaıta bastalǵan bolatyn.