Sektor meńgerýshisi jastarmen júzdesti

Astanadaǵy «Yryskeldi qajy» meshitinde «Bos ýaqyt jáne densaýlyq» taqyrybynda jastarmen júzdesý ótti.

Is-sharada QMDB Jastar sektorynyń meńgerýshisi Ádilet Rahymuly arnaıy qonaq bolyp, meshittiń jastar jamaǵatyna bos ýaqyt jáne densaýlyqtyń qadiri jóninde nasıhat aıtty.

«Adam balasy úshin densaýlyq pen bos ýaqyt eń uly nyǵmetterden sanalady. Ásirese adamnyń jastyq shaǵy árbir mınýtyn bos ótkizbeı, kúsh-qýatyn istermen aınalysýǵa sarp qylýy tıis. Paıǵambarymyz (oǵan Allanyń salaýaty men sálemi bolsyn) máshhúr hadısinde: «Adamdardyń kóbi qadirine jete bermeıtin eki úlken nyǵmet bar. Olar – densaýlyq jáne bos ýaqyt» degen. Endeshe qoǵamǵa paıdaly bolýdy jáne bolashaǵyn oılaǵan árbir adam Paıǵambar ósıetin este ustap, eki uly nyǵmettiń qadirin bilgeni jón» dedi Ádilet Rahymuly.