«SALAÝATTY DINI MAMAN» ATTY SPORTTYQ SAIYS ÓTTI (FOTO)

Apta sońynda QMDB Astana qalasy ókildiginiń din qyzmetkerleri arasynda «Salaýatty dinı maman» atty fýtboldan jarys ótti. «Islam – yntymaq pen birlik» jyly aıasynda uıymdastyrylǵan dop dodasyna qaladaǵy meshitter arasynan 6 komanda jasaqtalyp, ózara baq synasty. «Rahymqyzy Raısa ana» meshitiniń uıytqy bolýymen fýtbol jarysynyń júldegerleri arnaıy «Alǵys hatpen» marapattalyp, qarjylaı syılyqtar berildi.

Dinı qyzmetkerler arasyndaǵy baýyrmaldyqty arttyryp, dostyqty kúsheıtýge baǵyttalǵan sharaǵa Elorda ımamdary belsene qatysyp, salaýatty ómir saltyn kórsetti. Jarys qorytyndysy boıynsha «Ǵylmanı» men «Raısa ana» meshitterinen quralǵan «Alash» komandasy I oryndy enshiledi. Al, «Áljan ana», «Ál-Ǵanı», «Tólebaı» meshitteriniń dinı qyzmetkerlerinen quralǵan «Turan» komandasy II oryndy qanaǵat tutty. «Aqmeshit» meshitiniń «Tulpar» komandasyna III oryn buıyrdy.

Sýretter toptamasyn «FOTOGALEREIa» aıdarynan kóre alasyzdar!

 

Источник: Aidos