«SÁDÝAQAS QAJY ǴYLMANI»: QARTTAR ÚIINDE QAIYRYMDYLYQ AÝYZAShARY BERILDI (FOTO)

Astana qalasyndaǵy «Sádýaqas qajy Ǵylmanı» meshitiniń bas ımamy Rýslan Baızaqovtyń uıymdastyrýymen «Sharapat» áleýmettik qyzmet kórsetý ortalyǵynda qaıyrymdylyq aýyzashary ótti.

Is-shara qasıetti Ramazan aıynyń berekesin arttyryp, qarttarǵa rýhanı jáne materıaldyq qoldaý kórsetýdi maqsat etti. Aýyzashar barysynda meshittiń ustazy Erasyl Jaıyrov qarııalarǵa júrekjardy nasıhat aıtyp, sabyr men shúkirshilik jaıynda kórkem ýaǵyz órbitti. Sonymen qatar, jınalǵan qaýymǵa Ramazan aıynyń qadiri men aýyzashardyń saýaby týraly aıtyldy.

Kesh sońynda qarııalar batasyn berip, uıymdastyrýshylarǵa rızashylyqtaryn bildirdi. Qaıyrymdylyq keshi jylýlyq pen meıirimge toly sáttermen este qaldy.

Источник: Aidos