«SÁDÝAQAS QAJY ǴYLMANI» MURAJAIYNDA IMAMDARǴA SEMINAR ÓTTI (FOTO) 

Astana qalasy ókildigi «Sádýaqas qajy Ǵylmanı» meshitiniń janyndaǵy murajaıda elorda ımamdaryna semınar ótti. Atalmysh is-sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov, fılologııa ǵylymdarynyń doktory, ádebıet tarıhshysy, alashtanýshy Dıhan Qamzabekuly jáne elorda ımamdary qatysty.

Jıynda sóz sóılegen qala bas ımamy Erbolat Nuryldauly Qazaqstan musylmandarynyń qazıy bolǵan, din ǵulamasy Sádýaqas qajy Ǵylmanı týraly baıandaı kele is-sharanyń mán-mańyzyn atap ótti. Sondaı-aq, meshit janynan qazaq ǵulamasynyń qurmetine ashylǵan murajaıdy jan-jaqty tanystyrdy.

Al Dıhan Qamzabekuly óz baıandamasynda el arasynda «Sáken qalpe» atanǵan kórnekti qoǵam jáne din qaıratkeriniń qyzmeti men ómir jolyn keńinen túsindirdi.

Jıynda 97 jasyna deıin jurtshy­lyq­qa el anasy deńgeıinde aq batasyn berip, ákesi din ǵulama­sy Sadýaqas qajy Ǵylmanıdyń kóp eńbegin jadynda jańǵyrtyp, nasıhattaǵan Úkijan (Múmına) Sádýaqasqyzynyń «Ómirimnen eskertkish» atty kitaby elorda ımamdaryna úlestirildi. Atalmysh eńbek áıgili qazı perzentiniń 11 dápteri negizin­de daıyndalǵan.

Jıyn sońynda murajaıǵa Ekskýrsııa jasaǵan din qyzmetkerleri qundy jádigerlerdi tamashalap, Sadýaqas qajy Ǵylmanıdiń estelik buıymdarymen tanysty. 

Sýretterrdi «FOTOGALEREIa» aıdarynan kóre alasyz!

Источник: Aidos