«SÁDÝAQAS QAJY ǴYLMANI» MEShITINDE OTBASY QUNDYLYQTARY NASIHATTALDY (FOTO)

Qazaqstan musylmandary dinı basqarmasy Astana qalasy ókildigine qarasty «Sádýaqas qajy Ǵylmanı» meshitinde «Islam jáne dástúr qundylyǵy» taqyrybynda otbasylarǵa arnalǵan semınar bolyp ótti.

Meshittiń bas ımamy Rýslan Baızaqovtyń uıymdastyrýymen júzege asqan jıynda otbasy qundylyqtary dáripteldi. Atap aıtsaq, januıadaǵy ene men kelinniń, er men áıeldiń araqatynasy men mindetteri jaıly úgit-nasıhat aıtyldy. Sondaı-aq, meshit qyzmetkerleri tarapynan endi ǵana «táı-táı» basyp kele jatqan kishkentaı búldirshinniń tusaýkeser rásimi ótkizildi.

Kesh sońynda qatysýshy otbasylar jaıylǵan arnaıy dastarhannan dám tatyp, elimizdegi árbir otbasyǵa Alla Taǵala baq pen bereke bersin dep duǵa-tilek jasaldy.