«SÁDÝAQAS QAJY ǴYLMANI» MEShITINDE «MUFTIYAT» BASPASYNYŃ KITAPTARY TANYSTYRYLDY (FOTO)

QMDB Astana qalasy ókildigine qarasty «Sádýaqas qajy Ǵylmanı» meshitinde jamaǵatqa «Muftiyat» baspasynan shyqqan «Islam Entsıklopedııasy» jáne «Din men dástúr III» kitaptary keńinen tanystyryldy.

Jıynǵa Astana qalasynyń jáne «Áziret Sultan» meshitiniń bas ımamy Erbolat Júsipov, «Sádýaqas qajy Ǵylmanı» meshitiniń bas ımamy Rýslan Baızaqov jáne ókildiktiń basqa da din qyzmetkerleri men meshit jamaǵaty qatysty.

Jıyn barysynda qala bas ımamy Erbolat Nuryldauly jamaǵatqa kitaptardyń mazmuny men erekshelikteri týraly jan-jaqty aqparat berip, olardyń qoǵamdaǵy mańyzyn túsindirdi. «Islam Entsıklopedııasy» musylmandyq qundylyqtardy tereń túsinýge baǵyttalǵan aýqymdy ǵylymı eńbek bolsa, «Din men dástúr III» kitaby ulttyq dástúrimiz ben dinniń ózara úılesimin taldap, rýhanı sabaqtastyqty nyǵaıtýǵa úles qosatyn biregeı týyndy.

Источник: Aidos