«SÁDÝAQAS QAJY ǴYLMANI» MEShITINDE AQSAQALDARǴA QURMET KÓRSETILDI (FOTO)

Qasıetti Shaǵban aıynyń qurmetine oraı «Sádýaqas qajy Ǵylmanı» meshitiniń bas ımamy Rýslan Naqypbekulynyń uıymdastyrýymen jyl saıynǵy dástúr boıynsha meshit aqsaqaldaryna laıyqty qurmet kórsetildi.

Paıǵambarymyzdyń (s.ǵ.s): «Adamdarǵa alǵys aıtpaǵannyń, Allaǵa alǵysy joq, ıaǵnı shúkiri joq» (Tırmızı) degen ósıetine amal etken qulshylyq ordasynyń qyzmetkerleri qarııalarǵa qurmet kórsetip, batasyn aldy.

Bas ımam aqsaqaldarǵa arnaıy alǵys hat pen syılyqtar tartý etip, quttyqtaý lebizin bildirdi. Dinimizdegi jáne dástúrimizdegi úlkenderdi qurmetteýdiń saýaby men ádebi týrasynda nasıhat aıtty. Árdaıym osy meshittiń ishinen tabylyp, jastardy jumyldyryp, aqylshy bolyp júrgen aǵa býyn men qarııalar ózderiniń ónegeli áńgimelerin órbitip, taǵylymǵa toly izgi oılaryn ortaǵa saldy. Izgi shara sońynda meshittiń qurmetti aqsaqaldary bas ımam men meshit qyzmetkerlerine zor alǵystaryn bildirdi.